Алтын җыйма, йортлар куйма,

Мираска дип балаңа.

Иң кадерле мирас итеп,

Туган телең бир аңа.

Онытмагыз, бу дөньяда

Иң зур бүләк бер генә –

Көмеш чыңлы, талгын моңлы

Газиз туган тел генә.

Дөньяда нинди генә милләт кешеләре юк. Шуңа бәйле һәр милләтнең үз теле, үз гореф-гадәтләре, үз йолалары. Һәр милләт кешесе үз телен хөрмәтли, тирәнтен өйрәнә.Ә безнең туган телебез – татар теле, зур  тарихлы, бай, җырлы, моңлы тел ул. Тел аралашу чарасы гына түгел, ул – тормыш чыганагы, белем чишмәсе. Әлеге  бәйрәм уңаеннан мәктәп күләмендә    әдәби кичә  оештырылды. Укучыларыбыз ана телебезгә булган мөнәсәбәтебезне, олы ихтирам хисебезне шигырьләр аша белдерделәр, туган телне ничек яратуларын берсеннән – берсе бай эчтәлекле шигъри юллар белән дәлилләделәр. Безнең туган телебез – татар теле зур тарихлы, бай, җырлы, моңлы тарих. Туган телебезне, туган җиребезне хөрмәт итик, онытмыйк. Укучыларыбыз Татарстаныбызның лаеклы уллары һәм кызлары булып үссеннәр дигән теләктә калдык.

 “Без татар халкының милли киемнәрен, милли бизәкләрен беләбезме?” темасы астында милли күргәзмә дә оештырылды. Әлбәттә , бу матурлык ,нур өстенә нур булып, бәйрәмебезне тагын да тулылындырды.

 “Милләтебезне, телебезне, мәдәниятыбызны саклап,  яхшы галимнәр булып, милләт өчен хезмәт итүче, ана телен һәм динне, тарихны хөрмәт итүче, бөтен дөнья белән дус булган яшьләр кирәк. Ә бу зур эшне бары тик мәктәптә, татар мәктәбендә генә тормышка ашырырга мөмкин.”(Г.Акыш)