Бүген Чирмешән мәдәният йортында  "Яңа ел әкияте" дип исемләнгән район башлыгы чыршы бәйрәме үтте. Уку алдынгылары, спорт, мәдәният тормышында актив катнашучы укучылар, әтиләре мобилизацияләнгән балалар Алабуга мәдәният һәм сәнгать көллияте студентлары тәкъдим иткән театральләштерелгән тамаша карадылар. Район башлыгы Рамиль Айбатов күңелле сюрприз әзерләгән, бәйрәм башында ул һәр кунак балага  Яңа ел күчтәнәчләре таратты. Бәләкәй кунаклар Кыш бабай һәм Кар кызы белән бергәләп Яңа елны бәйрәм иттеләр, артистларга кушылып, җырладылар, биеделәр. Тамашада Туймәт төп белем мәктәбенең дә 7 иҗади, актив укучысы катнашты.  Бәйрәм барысының да күңеленә хуш килде.