Туймәт төп белем мәктәбе территориясе бүген иртәдән бирле шау-гөр килеп тора. Техник хезмәткәрләр иртәнге сәгатьтән үк мәктәп янын чистарту эшенә керештеләр. Дәресләр тәмамлангач аларга ярдәмгә укытучылар һәм укучылар кушылды. Мәктәп алды, тәҗрибә участогы, стадион һәм һәрбер агач-куак арасы ялт итеп калды. Җыелган чүп-чарны махсус урынга Шәрифуллин Рәзил шәхси тракторы ярдәмендә ташып, урнаштырып торды. Өмә барышында барысы да тырышып хезмәт куйды, чөнки чисталык үзебез өчен.