Нәүрүз иң шатлыклы яз бәйрәме - өмет бәйрәме дип билгеләп үтелгән. Таң ату белән учак кабызганнар, шул чакта итле аш пешереп кешеләр бер-берсен сыйлаганнар. Учак әйләнесендә бала-чагалар, кызлар, егетләр әйләнгәннәр. Бу көнне Нәүрүзбикә хөрмәтенә төрле ярышлар үткәрелгән. Менә шушы шәрык бәйрәме безнең көннәрдә халык йоласы буларак яңартыла. Бу бәйрәмне Туймәт төп белем мәктәбе укучылары да зурлап үткәрде. Педагог-оештыручы Сафина Кадрия Ильяс кызы һәм балалар көче белән җырлы-биюле, уеннар белән баетылган зур күләмле бәйрәм оештырылды. Ә ахырдан ашханәдә бөтен кеше ботка, йомырка һәм башка тәм-томнардан авыз итте. Мәктәп администрациясе дә балаларга татлы бүләк - шоколад әзерләгән иде. Бәйрәм барысының да күңеленә хуш килде.