Кышлар үтеп, табигать яңара башлагач, көннең төн белән тигезләшкән бер мәлендә кешеләр Нәүрүз бәйрәмен билгеләп үткәннәр. Шушы олуг бәйрәмне быел безнең укучылар үзенчәлеклерәк итеп оештырырга булдылар. Бәйрәмгә әзерлек бүген үк башланды: Нәүрүзне котлап, балалар йорттан-йортка йөреп изге теләкләр теләделәр, такмаклы җырлар башкардылар. Ә өлкәннәр сабыйларның теләкләрен буш итмәделәр - йомырка, сәдакага акча, тәм-томнар бирделәр. Бу нигъмәтләр иртәгәге Нәүрүз бәйрәмендә табынның түрендә булачак.