Бүген Туймәт урта мәктәбендә район вәкилләре катнашында югары сыйныфлар өчен “Яманнан ерак бул...” темасы астында әңгәмә үтте. Аны район мәгариф бүлеге начальнигының тәрбия мәсьәләләре буенча урынбасары Рәхимҗанова Флёра Мансуровна алып барды. Җыелышта мәктәп директоры Шәрифуллина Р.В., укыту – тәрбия эшләре буенча директор урынбасары Гиниятуллина Р.Г., 5 – 9 сыйныф укучылары, аларның сыйныф җитәкчеләре һәм Рамиль хәзрәт Ибраһимов катнашты. Чыгыш ясаучылар балалар арасында тәртип бозуларны кисәтү, соңгы вакытларда бик актуальләшкән терроризм һәм экстремизм темаларына, рухи тәрбия мәсьәләләренә кагылды, презентацияләр аңлаешлы һәм отышлы иде, балалар апа – абыйларын бик игътибар белән тыңлап утырдылар. 

Бу җыелышны оештыручыларга зур рәхмәтебезне җиткерәбез һәм алга таба да профилактик максатларда гына очрашырга язсын дигән теләктә калабыз.