Туймәт төп белем мәктәбенә соңгы вакытта төрле җиһазлар, мәктәп кирәк-яраклары белән ярдәм күрсәтүчеләр булды. Шулар арасында үзебезнең элеккеге укучыларыбыз да бар. Фәссахов Р. Х. кул астында "Татойлгаз" акционерлык җәмгыятендә җитәкче урыннарда эшләүче абыйлы-энеле Абдуллин Ленар һәм Динар, Фәссахов Рифатлар мәктәпкә ярдәм йөзеннән ике металлик шкаф, тренажерлар һәм башка кирәк-яраклар алып кайттылар. Мәктәпне күптәннән тәмамлауларына карамастан укучыларыбыз туган белем йортларын онытмаулары, аның мәшәкатьләрен кайгыртып яшәүләре бик күркәм күренеш. Туймәт төп белем мәктәбе коллективы исеменнән егетләребезгә олы рәхмәтебезне җиткерәбез. Эшегездә һәм гаиләгездә уңышлар гына юлдаш булсын үзегезгә.