Фән атналыгы үзенең эшен дәвам итә. Кичә 7 - 9 нчы сыйныфта укучы кызлар арасында "Математика гүзәле" конкурсы узды. Кызларга Вәлиева Ралия һәм Минһаҗева Гөлзидә апалары күп төрле уен-конкурслар әзерләгәннәр иде. Математик башваткыч чишү, бер төшенчәдән башка тематик сүзләр төзү, танылган математик галимнәрне атау, күз үлчәме белән билгеле бер озынлыкны билгеләү, транспортирсыз почмак төзү - кызлар өчен берсеннән берсе кызыклы һәм катлаулы биремнәр тәкъдим ителеп кенә торды. Ярышта катнашучы кызларның шәхси җанатарлары өчен дә киеренкелек ахырга чаклы сакланды. Кем җиңәр? Кем төгәлрәк, тапкыррак, белемлерәк булыр? Менә жюриның соңгы сүзе... Мисс Математика - 8 нче сыйныф укучысы Мортазина Гүзәл. Иң төгәл туташ - Гыйниятуллина Илүзә, иң җитез туташ - Сөләйманова Гөлназ, иң фантазияле туташ - Мисбахова Сөмбел, иң игътибарлы туташ - Җиһангирова Алсу, иң зирәк туташ - Ильясова Илүзә. Кызларны конкурстагы уңышлары белән котлыйбыз. Укуыгызда зур уңышлар сезгә.