Бүген Туймәт төп белем мәктәбендә 5 - 9 нчы класслар өчен  "Экстремизмнан ерак торыйк..." темасы астында ачык сыйныф сәгате үтте. Аны тарих һәм җәмгыять белеме укытучысы Сәүбанова З.М. үткәрде.

Хәзерге заманда илебездә, дөньяда экстремизм көчәя бара. Заман технологияләренең тиз үсүе, халыкларның мобильлелеге, мәглүматны тиз арада дөньяның төрле почмакларына тарату мөмкинлеге дә бу тискәре иҗтимагый хәрәкәткә ярдәмгә килә. Экстремизм  канун-кагыйдәләргә, буыннан-буынга күчеп килә торган гореф-гадәтләргә, идарәдәге хакимияткә идеяле каршылык күрсәтү агымы буларак җәмгыятьнең теләсә кайсы өлкәсендә чагылыш табарга мөмкин. Ачык сыйныф сәгате барышында шушы афәт хакында җентекле аңлатма бирелде. Ил, дәүләт, тыныч тормышта яшәргә хакы һәм теләге булган кешеләр өчен аның куркынычы турында сүз барды. Шулай ук яшьләргә бу тискәре агымга иярмәс өчен белергә кирәкле булган мәгълүмат җиткерелде.