Бүген район үзәгендә "Лыжня России" чаңгы ярышларында Туймәт төп белем бирү мәктәбе укучылары да катнашып үз өлешләрен керттеләр. Укытучылар арасында Кәримова Наилә Әнәс кызы, укучылардан Латфуллин Рамиль һәм Кәримов Азатлар чаңгыда иң оста йөрүчеләр. Алар призлы урыннар яулый алмасалар да, ярышчылар арасында сынатмадылар, үз категорияләре буенча "алтын урталыкта" килделәр. Без аларга мәктәп администрациясе исеменнән рәхмәтебезне белдерәбез һәм киләчәктә уңышлар теләп калабыз.