Кичә, 8 нче февральдә Туймәт төп белем бирү мәктәбендә чираттагы гомуми ата-аналар җыелышы үтте. Анда ЮХИДИ җитәкчесе Хәйруллин С.Н., авылның участок инспекторы Кәримов А.Б., янгын сүндерү бүлегеннән Яруллин Ф.Ф. һәм яшүсмерләр белән эшләү кабинеты инспекторы Мөбәракшина Ч.Җ.  катнашты. Ата-аналар җыелышының төп темасы:  "Балалар арасында хокук бозуларга каршы профилактик чаралар". Район вәкилләре үзләренең бүлекләре эшчәнлеге белән кыскача таныштырдылар, балаларның район буенча хокук һәм тәртип бозуга караган статистик мәгълүматларны чагылдырдылар.  Шулай ук кисәтү максатыннан укучыларга мисаллар итеп конкрет хокук бозу очракларын китерделәр. Район вәкилләре балаларга укуларында уңышлар  һәм тормышларында яманлыкны юлдаш итмәүләрен теләп калдылар.