8 нче февраль - Россиядә Фән көне. Шул уңайдан 7 нче февральдә Лашман урта гомуми белем бирү мәктәбе базасында районның фәнни-практик экологик конференциясе булып узды. Әлеге конференциядә безнең мәктәптән 5 нче сыйныф укучысы Сәгыйров Илүс "Сәламәтлек - экология - спорт" дигән темага доклад белән чыгыш ясады. География укытучысы Сәгыйрова Л. М. җитәкчелегендә язылган бу докладта кешеләрнең сәламәтлеге, экология һәм спортның аерылгысыз бербөтен булуы турында сөйләнде. Кешеләрнең сәламәт булулары өчен туган табигатебезнең, безне чолгап алган дөньяның да сәламәт булуы кирәклеге әйтелде. Илүс Рәмил улы экология фәненә өлеш керткән өчен район мәгариф бүлеге дипломы белән бүләкләнде.