Туймәт төп белем мәктәбендә Бөек Җиңүнең 74 еллыгын каршы алу планы кысаларында соңгы еллардагы традиция буенча  укучылар эзләнү эшләрен дәвам иттеләр. "Үлемсез полк" стендын тулыландыру максатыннан балалар җиңүне якынайтуга өлеш керткән тагын 8  авылдашларының фотосурәтләрен эзләп таптылар. Хәзер укучылар әлеге сугыш батырлары турында тулырак мәгълүмат җыю белән шөгыльләнәләр. Бу изге эштә алар Кәримовлар, Сәхаповлар, Сәүбановлар, Гатиннар, Сөләймановлар, Яруллиннар, Минхаҗевлар  һәм Шиһаповларның гаилә архивына, олыгаеп барган әби-бабайларга мөрәҗәгать иттеләр, Хәтер Китабыннан да шактый мәгълүмат алдылар.