Сталинград шәһәрен азат итү вакыйгаларына 70 ел тулу уңаеннан Туймәт төп белем мәктәбендә 4 нче февраль көнне тантаналы линейка булып узды. Тарих укытучысы Сәүбанова Зилә Мингата кызы 8 нче сыйныф укучылары ярдәме белән дәһшәтле сугыш турында бәян итте. 200 көнгә сузылган сугышта совет гаскәрләренең җиңеп чыгуы Бөек Ватан сугышында тамырдан борылышка китерә. Бик күп корбаннар бәрәбәренә килгән җиңү булуына карамастан, Сталинград янындагы бәрештән соң Кызыл армия солдатлары Берлинга барып җиткәнче башка бер тапкыр да чигенмиләр. Шәһәрне азат итүдә үзләренең исәнлекләрен һәм гомерләрен дә кызганмаган барлык батырларның да исеме мәңгеләштерелгән.