Менә яз килде. Кояш үз нурларын көннән-көн күбрәк чәчә. Ул бөтен табигатьне йокыдан уятырга тели. Апрель ае − язның аеруча кайнап торган чагы. Хәзер инде кар кара төстә, көннән-көн кими. Көпшәк кар астында су җыела, урыны-урыны белән кар өстеннән каралып язгы ташу акканы күренә. Ул үзенә бертөрле гүләү белән килеп төшә. Юлында очраган барлык нәрсәне үзе белән алып китә. Елгада бозлар кузгала. Зур-зур бозларның агып киткәнен карап торуы нинди күңелле! Безнең авылда андый күренеш булмаса да инештән киткән ташуны күзәтү дә күңелле. Язгы ташуны күзәтү өчен 4 нче сыйныф укучылары экскурсиягә бардылар. Үзләре өчен бик кызыклы яңалыклар ачтылар.