Балалар китабы атналыгының чираттагы көнендә озайтылган көн төркеменә йөрүче укучылар "Китап киңәшчең синең, дустың, ярдәмчең синең" исемле әдәби-музыкаль монтаж күрсәттеләр. Бу чара китапка укучыларда сакчыл караш тәрбияләү, укучыларның китап-дәреслекләрне  кызыксынып, аңлап укуына ирешү, матур әдәбият укуга мәхәббәт тәрбияләү, китап укуның әһәмиятен аңлату максатыннан уздырылды. Укучылар сәнгатьле итеп шигырьләр сөйләделәр, китап турында җырлар җырладылар. "Китап докторы" белән очраштылар һәм аның китапны саклап тоту хакында файдалы киңәшләре белән таныштылар. Әлеге мәгънәви чараны әзерләгән озайтылган көн төркеме тәрбиячесе Ильясова Галия Әнәс кызы презентация формасында табышмаклар бәйгесе оештырып, балаларның тапкырлыкларын да сынады.