Балалар – гаиләнең көзгесе. Шәхси үзенчәлекләре булуга карамастан, балаларда гаиләнең холкы чагыла. Гаилә дөньясы. Ул әти һәм әни, сеңел һәм энеләр яши торган дөнья. Һәр бала гаилә тормышы аша зур дөнья белән таныша. Тормыш катлаулы. Бала анда яхшыны да, начарны да, вөҗданлылык һәм тәрбиясезлекне дә күрә. 4 нче сыйныф укучыларының ата –аналары белән шушы тема буенча җыелыш узды. Шулай ук ата –аналар 3 нче чирек йомгаклары белән таныштырылдылар. Алда торган Бөтенроссия тикшерү эшләре турында мәгълүмат алдылар. Язгы каникулларны оештыру, суда куркынычсызлык кагыйдәләрен искә төшерү буенча укытучы киңәшләрен тыңладылар. Барлык ата –аналар да актив катнаштылар.