9 нчы сыйныф укучылары, җитәкчеләре Сафина Кадрия Ильяс кызы кул астында "Убырлы спортсмен кияү эзли" сәламәтлек театрын сәхнәгә куйдылар. Тамашаны барлык укучылар, укытучылар коллективы, килгән кунаклар зур кызыксыну белән карады. Сәламәтлек театры бүгенге көн сорауларына җавап табарлык итеп оештырылган: 2013 нче елда узачак Универсиада, сәламәт яшәү рәвешен пропагандалау, спорт төрләре, ә иң мөһиме - укучылар илебезнең горурлыгы булган спортсменнарны белүләре.

"Гомере буе ялгызлыктан туйган Убыр көннәрдән бер көнне үзенә кияү эзләргә була. Сеңлесе - Пәри, хат ташучы - Су анасы аңа ярдәм итәргә ризалашалар. Кияүгә кандидат булган өч башлы Аждаһа да, Бармалей белән Карлсон да аны спортка тартырга тырышалар, Универсиадада катнашырга чакыралар, ләкин Убыр бирешми. Ә менә Үлмәс Кощей һәм Шүрәлене ул бер сөйләшүдә үк ошата. Алар "яшьтән" үк спорт белән шөгыльләнгәннәр, сәламәт яшәү рәвеше алып барганнар. Әйдәгез дуслар, һәрвакыт чисталыкка омтылыйк, сәламәт булыйк, моның өчен әлбәттә спортны яратырга кирәк."