Кичә Туймәт мәктәбенең Сәламәтлек театры тамашачылар каршында чыгыш ясады. Тәрбия эшләре буенча директор урынбасары Сафина Розалия Габбас кызы җитәкчелегендә 4 - 5 нче сыйныф укучылары тамаша куйдылар.

"Укучылар укытучылары белән урманга экскурсиягә барган җирдән хәйран вакыйгага тап булалар: "Серле алан мәктәбе"ндә тәрбияләнүче бүре, куян, төлке һәм тиеннәр Казанда узачак Универсиадага әзерләнәләр. Тренер Аю булачак спортчыларны көчле, җитез, йөгерек  булырга өйрәтә. Тренировкаларга килеп эләккән мәктәп укучыларын да Аю тик тотмый, җәнлекләр белән берлектә көч сынаштыра, спорт, Универсиадага кагылышлы сораулар биреп белемнәрен тикшерә."