Кыш − табигать фасыллары арасында иң салкыны. Кыш үзенең аклыгы, сафлыгы белән күңелгә якын, үзенчә матур. Аның матурлыгын күрү, тою өчен 4 нче сыйныф укучылары әрәмәгә юл тоттылар. Чын кышны, билгеле инде, урманда гына тоярга була. Ап-ак түшәк өстендәге җәнлек эзләре әрәмәнең бөтенләй үк йоклап ятмавын күрсәтә. Кемдер куян, кемдер эт эзе күреп куанды. Кышкы гүзәллекне, туган якның матурлыгын балаларның күңелләренә сеңдерү, балаларның табигать белән кызыксынучанлыкларын арттыру максатыннан оештырылган экскурсия барыбызга да ошады. Саф һавада бергәләп сәяхәт итү күңелләрне күтәрде.