Әти-әни үз баласын һәрвакыт кайгыртып, шатлыкларына куанып, уңышсызлыклары өчен борчылып, ихтыяҗлары белән кызыксынып яшәргә тиеш. 9 нчы сыйныфның әти-әниләре балалары өчен быелгы уку елы сынаулы, киеренкелекле,  катлаулы ел икәнлеген,  үзләренең җилкәләрендә дә зур җаваплылык торганын яхшы аңлыйлар. Чираттагы җыелышларның берсендә алар уртак фикергә килеп, икенче яртыеллыкның башыннан ук, балаларының белем алуын тагын да ныграк контроль астына алу максатыннан дәресләргә йөрү карарын кабул иттеләр. Бу чара әти-әниләрнең үзләре өчен дә файдалы, чөнки укытучыларның эшчәнлеген үз күзләре белән күрү, уку-укыту процессының эчендә "кайнау"  аларга мәктәпкә карата объектив караш булдырырга ярдәм итә.