Туймәт авылы мәдәният йортында урнашкан авыл китапханәсенең ишекләре бикләнеп тормый. Төрле яшьтәге кешеләр, үз мәнфәгатьләрен, кызыксынуларын канәгатьләндерер өчен шунда киләләр. Без - мәктәп балаларының да яраткан урыны ул - авыл китапханәсе. Шушы көннәрдә без, 2 нче сыйныф укучылары китапханәгә чираттагы экскурсиягә бардык. Шунда “Мин кулыма китап алам” дигән темага класс сәгате уздырдык. Китапханәче Сәүбанова Чәчкә Җәүдәт кызы безне яңа кайткан китаплар белән таныштырды. Бу китаплардан сайлап алып шигырьләр, әкиятләр уку безгә аеруча ошады. Соңыннан без китапханәдән үзебез теләгән китапларны сайлап алдык, ә укыган китапларны тапшырдык. Китаплар дөньясына сәяхәт мавыктыргыч һәм кызыклы булды.