Урамда карлы , салкын кыш. Бу вакытта салкын җилләрне җиңеп, нәни канатларын җилпеп азык эзләүче кошларга бик кыен. Кыска көннәрдә азык табып, тамакларын туйдырырга да өлгермиләр, инде кич килеп җитә. Без башлангыч класс укучылары белән "Җимлек" операциясе үткәрдек. Әти-әниләр ярдәме белән көчебездән килгән кадәр хәлләрен җиңеләйтергә булдык -  алар өчен җимлекләр ясадык. Җимлекләребез үзенчәлекле килеп чыкты. Без аларны элеп тә куйдык. Рәхим итеп ашагыз, кошкайлар!