Һөнәр сайлау – кеше тормышында иң әһәмиятле мәсьәләләрнең берсе. 23 нче ноябрь көнне 8-9 нчы сыйныф укучылары һәм ата-аналары өчен профориентация җыелышы узды. Җыелыш районнан килгән төрле профессия вәкилләре катнашында үтте. Алар бүгенгесе көндә югары белемле белгечлек түгел, ә һөнәри хәзерлекнең мөһимлеге хакында сүз алып бардылар, хезмәт күрсәтү - сервис өлкәсендәге һөнәрләрдән аш-су остасы, чәчтараш, яңа - IT-технологияләр белгечлеге, программалаучы; эшче һөнәрләреннән электр-газ белән эретеп ябыштыручы, автомеханик, машина йөртүче, электромонтер, төзүче һөнәрләренең популярлыгына тукталдылар, ата -аналарны кызыксындырган сорауларга җавап бирделәр.