9 нчы сыйныфта тыйнак холыклы, үрнәк тәртипле гади генә бер егет белем ала. Аның исеме Алмаз Галимов. Эштә уңган, укуда тырыш бу укучыбыз  үзен гел яхшы яктан гына күрсәтә.  Быелгы уку елында 9 нчы сыйныф укучылары район күләмендә үткәрелгән фән олимпиадаларында катнаштылар. Шулар арасында Алмаз ике фән буенча призлы урын алуга лаек булды. Татар әдәбиятыннан ул җиңүче дип табылды һәм татар мәктәпләре арасында район данын яклау өчен башкалабыз Казан шәһәренә барачак. Ә математика фәненнән Алмаз 3 нче урынга чыкты. Без аны укудагы җиңүләре белән чын күңелдән котлыйбыз. Алмазга киләчәктә укуда тагын да зуррак уңышлар, исәнлек һәм барлык теләкләренең дә тормышка ашуын телибез. Әфәрин, Алмаз!