4 нче сыйныф укучылары "Сәламәт яшәү рәвеше" темасына ачык сыйныф сәгате күрсәттеләр. Чарада балаларның әниләре дә катнашты. Балалар көндәлек режим, дөрес туклану, чыныгу, шәхси гигиена кагыйдәләре, спорт белән шөгыльләнүнең яшь организмга файдалы булуы турында сөйләделәр. Яхшы гадәтләр белән беррәттән начар гадәтләргә дә тукталдылар. Тәмәке тарту, спиртлы эчемлекләр куллану, наркотикларның зыяны турында мәгълүмат тупладылар. Начар гадәтләр турында шигырьләр укып, аларны үзләрендә булдырмаска кирәклегенә төшенделәр. Соңыннан шушы сыйныфның ата-аналары өчен укулыр үткәрелде. Ул "Гаиләнең тәрбияви потенциалы" темасы буенча әңгәмә формасында оештырылган иде. Шулай ук әти-әниләр мәктәпнең эчке контроль планы буенча үткәрелгән тикшерү эшләренең нәтиҗәләре белән дә таныштырылдылар.