Бүген мәктәбебезнең җитәкчесе Шәрифуллина Рәзилә Вәлиәхмәт кызының юбилее.

Хөрмәтле Рәзилә Вәлиәхмәт кызы!Сезне ихлас күңелдән гомер бәйрәмегез белән котлыйбыз. Сез лачын сыман күп нәрсәне алдан күрә белгән, таләпчән, кешелекле, булдыклы, түземле җитәкче. Сез үзегез җитәкләгән мәктәптә эшләүче һәркемгә карата игътибарлы һәм ярдәмчел. Рәхмәт Сезгә нәтиҗәле хезмәтегез, тату коллективыбыз өчен.

Сезгә гомернең иң озынын, бәхетнең иң зурысын, шатлыкларның иң олысын юллыйбыз. Якты ал таңнар, зәңгәр күкләр сезнең күңелегезне һәрчак яктыртсын, балкытып торсын. Таң җилләренең назлысы, җан тынычлыгы, чиксез бәхетләр, эшегездә зурдан-зур уңышлар, яхшы күтәренке кәеф юлдаш булсын сезгә. Бөтен гомерегезне, көчегезне кешеләр бәхете өчен биргән гүзәл зат буларак эчкерсез, ихлас, ягымлы булуыгыз белән кешеләр күңелен яуладыгыз. Һәрвакытта да шулай шат, көләч йөзле, изге күңелле булып калыгыз Алга таба да шатлыкта, куанычта, бәхеттә яшәргә язсын сезгә!

һәр көн сине котлап кояш чыксын,

Сине назлап җилләр иссеннәр.

Яшәү матурлыгы, яме булып

Көн артыннан көннәр үтсеннәр.

Күңел күгең һәрчак аяз булсын,

Читләп үтсен сагыш-борчулар.

Ныклы сәламәтлек юлдаш булсын,

Аннан кадерлерәк нәрсә бар.

Туган көнең-юбилеең белән

Чын күңелдән сине котлыйбыз.

Сәламәтлек, шатлык-куанычлар,

Күңел тынычлыгы телибез.