7 декабрь көнне 8 нче сыйныф җитәкчесе Гиниятуллина Роза Габдрәшит кызы укучылары белән берлектә "Язмышларга буйсынмас җаннар" дип исемләнгән ачык сыйныф сәгате күрсәтте. Сыйныф җитәкчесе бу гыйбрәтле язмышлы кешеләр турында бик күпкырлы материал туплаган. Укучыларга районыбызның билгеле шагыйрәсе, рассамы Түбән Кәминкә авылы кызы Дания Әгъзамова, якташыбыз Гакыйль Сәгыйров, Чүпрәле районы кызы Рушания Арсланова һәм күренекле язучыбыз Фәнис Яруллиннарның тормыш юлы һәм иҗаты турында гаять эчтәлекле сыйныф сәгате тәкъдим ителде. Ул 8 нче сыйныфлар тарафыннан укылган шигырьләр, күргәзмә әсбаплар, рәсем, картина, фотографияләр, презентация эше һәм җырлар белән үрелеп барды. Укучылар бик игътибарлы булды, бу яралы язмышларның халәтен йөрәкләре аша үткәреп, изгелекле эшләрне күбрәк эшләргә, дигән уй-фикерләр белән таралыштылар.