Кичә, 14 нче май көнне 5 нче класс укучылары һәм әти – әниләре, класс җитәкчесе Сагирова Л.М. белән “Без бердәм – тату гаилә” дигән исем астында гаилә бәйрәме үткәрделәр. Бәйрәм район үзәгендәге кафеда булды. Әлеге чараның максаты гаилә белән мәктәп арасында тыгыз, дустанә мөнәсәбәт урнаштыру, уртак эшчәнлеген арттыру; балаларда ата – анага ихтирам хисе тәрбияләү. Гаиләнең белем бирүдә һәм тәрбия эшчәнлегендә катнашуына этәргеч бирү; ата – ананың тәрбияви белемен күтәрү; гаиләнең актив ялын оештыру иде. Бәйрәм бик күңелле үтте, әти – әниләр дә, балалар да канәгать калдылар. Барыгызга да гаилә бәхете, тыныч һәм имин тормыш, якты өметләр телим.