Инвалидлар декадасы кысаларында 5 - 6 нчы сыйныф укучылары озак еллар урын өстендә ятучы Ишмөхәммәтова Тәскирә апа янына барып хәлен белделәр. Балаларда өлкәннәргә, авыруларга карата шәфкатьлелек, мәрхәмәтлелек, ихтирамлылык тәрбияләү максатыннан үткәрелгән бу чара барышында укучылар Тәскирә апаның өй тирәсендә вак-төяк эштә булыштылар, су китерделәр. Шулай ук авыру апаның авыр хезмәт юлы белән кызыксындылар, сораулар бирделәр. Сыйныф җитәкчеләре Вәлиева Ралия һәм Шиһапова Рәмилә апалары балаларга башка вакытта да өлкәннәрне игътибардан читтә калдырмаска киңәш бирделәр.