“Физкультура һәм спорт” атналыгының алтынчы көнендә укучылар “Өстәл теннисы” һәм “Сикергечтә узышу” буенча үзләренең көчләрен сынаштылар. 2 – 5 нче класс укучылары сикергечтә сикереп ярыштылар. Балалар уеннарда бик кызыксынып катнашты. 5 нче класс укучысы Асадуллина Нурия шәхси беренчелектә 234 тапкыр сикерде. 7 – 8 нче класс укучылары өстәл теннисы артында көч сынаштылар. Барлык укучыларыбыз да атналык дәвамында бик актив булдылар! Укудагы, киләчәк тормыштагы ярышларда да сезгә уңышлар телибез, сынатмагыз! Барыбызда сау-сәламәт булыйк, спортның барлык төрләрен дә яратыйк, шөгыльләник!