Спорт безнең тормышыбызда бик мөһим урынны алып тора. Ул - безнең якын дустыбыз. Бу дустыбыздан бер дә аерыласыбыз килми, чөнки ул безгә көч һәм куәт бирә! - дип бертавыштан җавап бирә  Туймәт төп мәктәбе укучылары.

Бу атна Туймәт төп мәктәбендә “Бергә булыйк, бердәм булыйк” ,- дип исемләнгән девиз астында, физкультура һәм спорт атналыгы сыйфатында узачак.  Атна барышында “Күңелле стартлар”, ”Кроссвордларга җаваплар”, “Шахмат-шашки”, “Өстәл теннисы” һәм башка төрле ярышларда укучылар көч сынашачаклар. Бүген “Күңелле стартлар” уены белән атналыгыбызны башлап җибәрдек. Барлык укучылар да актив һәм бик җитез булдылар. Атналыкта зур җиңүләр, уңышлар теләп калабыз.