Атна буе Туймәт мәктәбе укучылары бары тик спорт һәм физкультура темасына гына сөйләштеләр. Предмет атналыгы югары дәрәҗәдәге әзерлек белән оешкан төстә узып та китте. Атна барышында балалар спорт өлкәсендә теоретик белемнәрен тикшерделәр, физик көчләрен сынадылар. Уеннар барышында тапкырлыкка, җитезлеккә, зирәклеккә ярыштылар. Зур күләмле чараны йомгаклау шимбә көнгә билгеләнгән иде. Укучылар дулкынланып көттеләр бу көнне. Атналыкны оештыручы апалары Сәгыйрова Ландыш Мөҗип кызы һәм Шиһапова Рәмилә Вәлиәхмәт кызы барлык катнашучыларга да истәлекле бүләкләр әзерләгәннәр иде. Мәктәп администрациясе дә җавапсыз калмады - физкультура укытучыларын  Мактау Грамотасы белән бүләкләде.