“Чисталык бездән башлана!” акциясе кысаларында игълан ителгән конкурска гомуми линейкада чираттагы нәтиҗә ясалды.  10 февральдән алып 17 февральгә кадәр булган вакыт аралыгында иң күп макулатура җыючы  5 нче класс укучысы Сөләйманова Гөлинә булды. Ул  бу атнада 140 килограмм кирәкмәс кәгазь туплап тапшырган. Бу укучыбыз мәктәптә бөтен яклап актив булуы белән аерылып тора. Ул укуда да сынатмый, җәмәгать эшләрендә дә беренчеләр рәтендә. Гөлинәнең әти-әнисе дә ярдәмчел булып, мәктәптә үткән чараларда һәрдаим катнашып, үз өлешләрен кертәләр. Әфәрин, Гөлинә!