Бу исемне телгә алуга, күз алдына ниндидер гадәттән тыш кеше килгәндәй була. Ул – ялкынлы шигырьләр язган шагыйрь дә, илнең азатлыгы өчен курку белмәс көрәшче дә, үлемне ирләрчә батыр каршылаган каһарман да. Җәлил исемен илебез халкы горурлык белән искә ала. Һәр буын аны йөрәгендә саклый. Аның көрәше һәм эшчәнлеге – күпләр өчен кыюлык һәм батырлык үрнәге. Безнең укучыларыбыз да Жәлил иҗатына битараф түгел. Патриот шагыйрь, татар халкының сөекле улы М. Җәлилнең туган көне уңаеннан балалар өчен язган кызыклы, мавыктыргыч шигырьләре, ямьле, матур табигать күренешләрен тасвирлаган һәм дәһшәтле сугышны җиңүгә рухландырган шигырьләре аркылы укучыларда шагыйрь иҗатына карата кызыксыну, ихтирам хисләре тәрбияләү максатыннан «Гомерем минем моңлы бер җыр иде, үлемем дә яңгырар җыр булып» исеме астында рәсем конкурсы узды, укучылар кроссворд чиштеләр, тематик презентация аркылы Җәлилнең тормыш юлы, иҗаты буенча белгәннәрен камилләштерделәр, яңа белемнәр алдылар.Әлеге чараларда актив катнашкан укучылар мәктәп администрациясе тарафыннан бүләкләнделәр.