Һәрбер мәктәптә дә һәрвакыт аерылып торучы алдынгы, үрнәк укучылар була. Бездә дә бар андый укучылар. Шуларның берсе – 5 нче сыйныф укучысы Сөләйманова Гөлинә Наил кызы. Кайсы гына өлкәне алма: укудагы уңышлармы, җәмәгать эшләреме, үзешчән сәнгатьме, дәрестән тыш эшчәнлекме – Гөлинә һәрвакыт алдынгылар рәтендә, берне әйтсәң, өчне арттырып үтәр. Ул һәрвакыт чиста – пөхтә, җырлый, бии, сәхнәләштергән тамашаларда катнаша. Шуның өстенә төрле дистанцион олимпиадаларда катнашырга да вакыт таба ул. Күптән түгел генә, мәсәлән, “Олимпис 2017 – Көзге сессия” Халыкара дистанцион конкурсы нәтиҗәләре билгеле булды. Рус теле һәм әдәбияты буенча 3нче, инглиз теле – 2нче, информатика буенча – 2 нче, география – 2нче , ә биология фәне буенча 1 нче дәрәҗәдәге Диплом һәм Грамоталар белән бүләкләнде ул. Татар теле буенча Республика олимпиадасының муниципаль этабында 5 нче сыйныфлар арасында җиңүче булды һәм уңышлы гына республика этабында да катнашты.

Гөлинәгә киләчәктә дә зур уңышлар, иҗади киңлекләр телибез!