"Язгы мәрхәмәтлелек атналыгы" акциясе кысаларында Туймәт төп белем мәктәбенең башлангыч класс укучылары авыл китапханәсенә  экскурсиягә бардылар.  Башка экскурсияләрдән аермалы буларак, бу сәфәребезнең максаты - әти-әниләребезне дә китап дөньясына  алып керү иде.  Шунлыктан балалар үзләрендә икеләтә җаваплылык тойдылар. Үзләренә кызыклы һәм рәсемле китап сайласалар, әти-әниләренә, китапханәче белән киңәшеп, гаилә белән укый торганын алдылар. Һәр бала бу эшне зур җаваплылык хисе белән башкарды. Алар могҗизалы китап дөньясына гаиләләре белән сәяхәткә китәргә чынлап торып әзер иделәр.