"В мире сказок" интеллектуаль уены Туймәт төп белем мәктәбенең башлангыч класс укучыларын түгәрәк өстәл артына җыйды. Әкият дөньясының серле, мавыктыргыч һәм могҗизалы юллары балаларны зирәклек һәм тапкырлык сорый торган төрле каршылыклар белән ораштырды. Укучылар уен барышында әкиятләрнең авторларын, геройларын белүгә юнәлдерелгән күп сорауларга җавап таптылар. Бирелгән халык һәм автор әсәрләренең өзекләреннән әкиятне танып, шул әкиятнең кыскача эчтәлеген сөйләделәр. Уен кызыклы ягы белән генә түгел, ә белемнәрне тикшереп, кызыксындыру уятуга юнәлдерелгән булуы белән мавыктыргыч булды.