Язгы кояш үзенекен итә - кар күзгә күренеп эри, күлләвекләрдә су җыелып тора, көндез җылыта, төнлә туңдыра, табигать уяна.  Нәкъ менә шушы,  һава температурасы иртә-кич уйнаган чакта, биналарның нигез тирәсен саклап калу өчен  вакытында боз-кардан арындырып өлгерергә кирәк.  Кичә Туймәт төп белем мәктәбенең техник хезмәткәрләре шушы эш белән мәшгуль булдылар. Коллективның ир-егетләре мәктәп  ян-тирәсенең карын көрәделәр, чистартып куйдылар. Белем йортыбызның төзек, матур булуы һәрберебез өчен дә кирәк.