Туймәт төп белем бирү мәктәбенең татар теле һәм әдәбияты укытучысы Шәрифуллина Рәзилә Вәлиәхмәт кызы "Иң яхшы укытучы" номинациясендә грантка ия булды. Ул озак еллар мәктәптә көчен кызганмыйча балаларга туган телебезнең нечкәлекләрен өйрәтә, аңа мәхәббәт тәрбияли. Хезмәтендә уңышлары да бихисап: уңай билгеләргә тапшырылган имтиханнар, төрле дәрәҗәдәге конкурслардагы җиңүләр һәм фән олимпиадаларында ел саен призлы урыннар. Рәзилә Вәлиәхмәт кызын без коллективыбыз белән шушы яңа җиңүе белән чын күңелдән котлыйбыз. Киләчәктә исәнлек, иҗади уңышлар телибез. Без Сезнең белән горурланабыз.

Халык ихтирамын яуладыгыз

Намус белән куйган хезмәттә.

Ак бәхетләр, зур шатлыклар белән

Гомерегез үтсен хөрмәттә!