Бәйрәмнәр күңелле, ләкин эшне дә онытырга ярамый. Белем бәйрәме шау-гөр килеп узды, укыр вакыт та җитте. Атна башыннан укытучылар һәм укучылар җиң сызганып эшкә керештеләр. Беренче дәресләр, беренче "5"леләр, ачышлар һәм гаҗәпләнүләр. Белем алуның бөтен кызыга да шунда инде ул. Быел безнең Туймәт төп белем бирү мәктәбендә 56 укучыга 18 укытучы белем бирәчәк. Дәресләрдән соң 7 түгәрәктә балалар шөгыльләнеп, өстәмә белем алу мөмкинлеге дә булачак. Уку - укыту өчен барлык шартлар да тудырылган, тырышып хезмәт куясы гына калды. Шушы өлкәдә эшләүче барлык хезмәткәрләргә дә уңышлар телибез.