Туймәт мәктәбендә бүген иртүк бәйрәм атмосферасы хөкем сөрә. Белем бәйрәмен үткәрергә барлык балалар да күтәренке кәеф, көләч йөз белән җыелдылар. Сагындырган сыйныфташлар, дулкынланучы ата-аналар, кызыксынып күзәтүче кунаклар, укыту мәшәкатьләренә чумып өлгергән укытучылар - барысы да бер өермәдә. Тантаналы линейканы чыгарылыш сыйныфы укучылары югары дәрәҗәдәге әзерлек белән үткәрделәр. Күңелләргә үтемле шигырьләр, матур җырлар, котлау сүзләре һәм башка бик күп төрле вакыйгалар. Яңа уку елында барыгызга да уңышлар, ныклы исәнлек, сабырлык, яңадан-яңа үрләр яулавыгызны теләп калабыз. Белем бәйрәме котлы булсын!!!