21 нче февраль көнне 9 нчы класс укучылары Сәгыйрова Л.М. җитәкчелегендә гаилә бәйрәме үткәрделәр. Гаил бәйрәмендә 5 укучы егет һәм аларның әти-әниләре катнашты. Бәйрәм район үзәгендәге "У камина" кафесында булды. Гаилә белән үткән бәйрәмнең максаты балаларда үз милләтенә, аның теленә, гаиләсенә, иленә ихтирамлы мөнәсәбәт булдыру, горурлык хисе тәрбияләү иде. Кадерле әти-әниләребезне балачакларын искә алып, укучылар булырга чакырдык, ә тәнәфесләрдә кызыклы уеннар, шаян җыр-биюләр булды. Кафе хуҗасы Гөлчәчәкнең тәмле аш-суларыннан барыбыз да канәгать калдык. Рәхмәт яусын.

Күңелле бәйрәм,  матур киңәшләр өчен барлык әти-әниләргә дә зур рәхмәт. Гаиләләрегез тату, күркәм, тигез булсын. Балаларыгыздан авыр сүз ишетмәгез, аларның мәрхәмәтлелеге, шәфкатьлелеге тормышыгызны тагы да нурландырып, бизәп торсын.