“Кайсы тауның ташларыннан икән

Батырлыкка һәйкәл куясы!”

2017 елның 15 феврале – соңгы совет сугышчысы Әфганстан чиген атлап чыкканга 28 ел тулган көн. Шушы зур тарихи әһәмияткә ия вакыйга уңаеннан Туймәт төп белем мәктәбендә  ветеран әфганчыларны хөрмәтләү һәм һәлак булган барлык сугышчы-интернационалистларны искә алу максатыннан “Әфган җиле исә һаман да” дип исемләнгән ачык сыйныф сәгате үтте.

Әфган  куркынычының шаһитлары,  исән кайткан “әфганлы” авылдашларыбыз:

Сәгыйров Рамил Назыйм улы

Сафин Раил Габдрахман улы

Сафин Илгиз Габдрахман улы

Гайнанов Әмил Вәлирахман улы

Кәримов Атлас Хөсәен улы

Галимов Илшат Шакир улы;

Чечен сугышында катнашкан авылдашларыбыз:

 Әхмәтҗанов Дияз Нургали улы

 Әхмәтҗанов Чулпан  һәм Салават Нургаяз уллары

Әшрапов Әкъдәс һәм Атлас Хәбибулла уллары

 Гатин Илназ Минәхмәт улы

 Әхмәтҗанов Фоат Гали уллары 

17 февральдә батыр якташларыбыз  белән очрашу булып үтте.  Алар “анда” булганнар.  Сугышчан дуслары турындагы  истәлекләр  әфганчылар  йөрәгендә мәңге саклана һәм  алар бүген укучылар алдында  әлеге хатирәләр белән бүлештеләр. Кунакларыбызның укучыларга теләге бер:  “ Туган илне саклау – ир-егетнең изге бурычы. Дөньялар тыныч булсын,  аналарның күз яше түгелмәсен. Безнең егетләребез дә хәзердән үк тормыш авырлыкларын кичәргә әзер булырга, үзләрендә ихтыяр көче тәрбияләргә тиеш. Ил-көннәр тыныч булганда, егет кешенең армия сафларында хезмәт итүе – ныклыкка сынау үтү ул “, - диделәр алар. Кичәдә катнашучыларга һәм очрашуны оештыручылар Мортазина Р.М., Галимова Г. М. белән 6 - 7 нче сыйныф укучыларына чиксез рәхмәтебезне җиткерәбез.