15 февраль –Әфган Республикасыннан Совет гаскәрләрен чыгарган көн, мөһим вакыйга гына түгел, искә алу һәм хәтер  көне дә. Төзәлмәслек күңел ярасы, ачы хәсрәт күтәреп, бик күп яшьләребезнең гомерен өзеп, тарихка кереп калган  Әфган сугышы әле тиз генә төзәлмәс кебек. Әйе, сугыш корбаннарсыз булмый. Шушы сугыш кырында үзенең ирләрен, улларын, абый-энеләрен югалткан гаиләләр өчен Әфган сугышы беркайчан да тәмамланмаячак. Беребезнең дә бу кайгылы көннәрне онытырга хакы юк!
Әфган сугышы кырында булган якташларыбызга хәрби хезмәтләрен төгәл үтәүләре, батыр һәм намуслы булулары өчен олы рәхмәтебезне белдерәбез. Сезнең хәрби бурычка тугры булуыгыз, үзара ярдәмләшеп  һәм дус булып яшәвегез яшь буын өчен яхшы үрнәк булып тора. Ел да Әфганчылар көне уңаеннан үткәрелгән очрашып-сөйләшүләр, мәдәни чаралар сезнең бердәмлекне тагын да ныгытсын, уртак максатларыгыз тормышка ашсын, имин дөньяларда тыныч күңел белән яшәргә язсын.

 

“Халыклар арасында татулык, тынычлык булсын иде!”  Әфганстанда хәрби бурычын үтәгән авылдашыбыз  Атлас Кәримов  сүзләре – беребез өчен дә буш сүзләр түгел.