Мәктәп бакчасында һәр көнне эш гөрли.  Язын мәктәп яны участогына укучылар һәм укытучылар хезмәте белән күп төрле үсемлекләр утыртылган иде. Хәзер балалар җәйге практикаларын үтәләр һәм график буенча мәктәп бакчасын чүптән арындыру, яңгыр яумаган вакытта су сибү, помидор һәм кәбестә төпләрен йомшарту белән шөгыльләнәләр. Суганнар төпләнә башлаган, димәк озакламый бакчадан беренче уңыш җыеп алыначак дигән сүз. Ә инде чәчәкләр үзләренең матур төсләре һәм хуш исләре белән күптәннән күңелләрне юатып торалар.