Тиздән Яңа ел бәйрәме. Бәйрәмне күтәренке кәеф белән, күңелле итеп үткәрү өчен үзебезгә дә тырышлык куярга кирәк.  Туймәт төп белем мәктәбендә бу көннәрдә Яңа елны каршы алуга әзерлек эшләре бара: укучылар стена газеталары чыгаралар, чыршы бизәү өчен уенчыклар, гирляндалар ясыйлар, концерт номерлары әзерлиләр. Ә дәресләрдән соң коллектив белән берлектә мәктәп каршында кар сыннары ясау белән мәшгульләр. Балаларның мондый тырышлыгын Кыш Бабай күрми калмас әлбәттә, бүләкләрне күп итеп әзерләр дип көтеп калабыз.