Март аенда 6 - 9 нчы сыйныф укучылары тарих, биология һәм география фәннәреннән  "Летописец" IV Бөтенроссия дистанцион олимпиадасында катнашканнар иде. Шушы көннәрдә әлеге бәйгенең безнең өчен куанычлы нәтиҗәләре билгеле булды.

Гөрләп узды мәктәп елларыбыз,

Бик тиз җитте аның азагы.

Бүген безнең бәгырьләрне өзә

Кыңгырауның соңгы авазы.

22 нче май көнне Туймәт төп белем мәктәбенең барлык укучылары һәм укытучылары бергәләп авыл мәчетенә бардык. Ильяс хәзрәт балаларга суицидны кисәтү темасына, тормышка мәхәббәт тәрбияләү, киләчәккә стимул тудыру максатыннан  тирән эчтәлекле, бик матур  профлактик әңгәмә уздырды. 

Шау чәчәкле бакча әллә кайдан аллы-гөлле булып балкып, көлеп тора. Без, Туймәт төп белем мәктәбенең башлангыч сыйныф укытучылары һәм укучылары, биология укытучысы белән берлектә мәктәп бакчасына күп төрле чәчәкләр утырттык.

Туймәт төп белем мәктәбенең “Дуслык” исемендәге дружина тантаналы сборга җыелды. Сбор 4 нче сыйныф укучыларын варислар сафына кабул итүгә багышланды. 

19 май көнне Туймәт төп белем мәктәбендә 6 - 9 нчы сыйныф укучылары катнашында СПИД авыруыннан үлүчеләрне искә алу көненә багышланган чара уздырылды.

 Мәгариф бүлегенең тәрбия эшләре буенча начальник урынбасары булып эшләүче, тормышын балалар укытуга һәм тәрбияләүгә багышлаган, үз эшенең чын каһарманы булып гомер кичергән Мифтахов Габделбәр Рауф улы шушы көннәрдә олуг юбилеен - 60 яшь тулуын билгеләп үтә. Туймәт төп белем мәктәбе коллективы исеменнән без аны әлеге зур бәйрәме белән чын күңелдән котлыйбыз.

Туймәт төп белем мәктәбенең 6нчы сыйныф укучысы Мортазин Ришат “Мәрхәмәтле йөрәк” социаль  яклау үзәге үткәргән “Бөек Ватан сугышы елларында минем гаилә тарихы” конкурсында катнашты.

Туймәт төп белем мәктәбе укучылары Сафина Гөлия, Сафин Инсаф, Галимов Айдар һәм Фәссахова Алинә "Куркынычсыз тәгәрмәч - 2014" республика конкурсының район этабында катнаштылар.

Бүген, 15 май көнне, мәктәп яны тәҗрибә участогында экология айлыгы уңаеннан агач утырту эше дәвам итте.