“Куркынычсыз интернет” айлыгы кысаларында бүген Галимова Гөлнара һәм Мортазина Рәзинә 8 - 9 нчы сыйныф укучылары өчен “Интернетсыз дөнья” дип исемләнгән ачык сыйныф сәгате үткәрделәр.

16 октябрь көнне Бөтенроссия фән олимпиадасының биология фәненнән мәктәп туры узды. 

Бу атнада 9 нчы сыйныф укучыларының чираттан тыш ата-аналар җыелышы узды. Җыелышта 9 нчы сыйныф укучыларының дәресләргә, имтиханнарга әзерлекнең торышы, тәртип, йөреш хакында сүз алып барылды.

Мәктәп яны тәҗрибә участогы – безнең мәктәпнең горурлыгы. Бакчабыз аерым кишәрлекләргә бүлеп куелган. Балалар ел әйләнәсе тәҗрибә участогында эшләп хезмәт тәрбиясе алалар.

Мәктәп яны участогы һәр ягыннан чыршы агачы белән уратып алынган. Бакча эченә кергәч чия, карлыган агачлары ел саен утыртылып, яңартылып торыла. Быел алмагач үсентеләре утырттык.

Мәктәп бакчасында көзге эшләр дәвам итә. Көзге, матур көнне бакчада эшләү үзе бер рәхәт. 

Мәктәп яны тәҗрибә участогында укучылар практика үтте. Эшне дөрес оештыру нәтиҗәсендә бакчабызда яшелчәләрдән тыш берсеннән-берсе матур чәчәкләр үсте. Җәй буе алар чәчәк атып безне шатландырып, күзләребезне иркәләп тордылар.  

“Чиста авыл синнән башлана!” акциясе дәвам итә. Укучылар, сыйныф җитәкчеләре, укытучылар, әти-әниләр көче белән бу атнада да 102,6 кг  макулатура һәм 11,5 кг пластик җыйдык. Акциядә катнашучы, авылның һәм әйләнә-тирәнең чисталыгына битараф булмаган һәрбер кешегә рәхмәт белдерәбез.  

11 октября обучающиеся 9 класса прошли мониторинг по русскому языку, выполнили 16 заданий и ответили на вопросы анкеты.