Чәршәмбе көнне  Түбән Кәминкә  төп белем  мәктәбендә әти-әниләр, балалар, авыл һәм районнан чакырылган кунаклар белән берлектә "Тәрбиянең нигезе- гаилә " темасы астында очрашу булып узды. Очрашуның кунаклары: Түбән Кәминкәдән Рәмис хәзрәт,Чирмешән авылыннан Хәбир хәзрәт  әти-әниләр белән балаларны тәрбияләүдә кирәкле булган мөһим мәсьәләләр хакында ачыктан-ачык сөйләштеләр, үзләренең шәхси фикерләрен җиткерделәр, киңәшләрен бирделәр .Элек-электән бабаларыбыз балаларын яхшы гамәлләр кылырга ,

өлкәннәрне хөрмәт итәргә ,ягымлы сөйләшергә өйрәткән. Киләчәк буын кешеләренә нинди асыл сыйфатлар хас булырга тиешлеге турында, балаларны тормышның төрле шартларына әзер булырлык, үз урыннарын табып, заманага яраклашып яшәү өчен нинди чаралар күрергә кирәклеге, турында сүз барды бу әңгәмә барышында. Баланы кирәгеннән артык ярату аяныч нәтиҗәләргә китерергә мөмкин.      Әти-әниләр дә үз чиратында үзара фикер алыштылар, кунакларга булган сорауларын бирделәр.